التسولي والحروق

السلام عليكم خوتي وخواتاتي . شخباركم مع البرد ؟ بدا شي لماز عندكم ولا غي عند عمي بوشتى ؟
عمي بوشتى بعدا جاه البرد وخا مغطي دالجلاب ولاقي فوقا السلهام غليط وقالك بغايسخن يداه على العافية .دخل عند دادة حادة للنوالة وهي ادطيب حدالخبزة دالشعير بمانتا وقرنص حدا العافيا .
دادة حادة: لاش قرنصت حدايا ؟ ماشي دخن داك الحوايج ومكاينشي حتى فاين نgبسوهم فهاد الشتا .
عمي بوشتى : ياودي غماشي ندفي يداي حالشواي راني لمزت .
مد عمي بوشتى يداه للكانون يسخنم ونسى طرف دالسلهم دلا فالعافيا . ما فطن بها حتى تحرق . بدا اينgر ويزgي .
عمي بوشتى : شتي اموجحالل ادبقى دغرنق عليا بحا موكة هاني تحرقت اوا تهنيت .
دادة حادة بقات غي ادفافي والصافيا خالطا عليهم مناين سمعت الزgا .
الصافيا : خرج ، خرج ابابا يطرب الهوى بعدا. وجرت عمي بوشتى لبرا النوالة وزولتلو السلهام وبدات ادقلبو مناين تحرق ( عمي بوشتى ) جابت حالغراف دالما من الخابية وخواتو عليه .على البلاصة دمحروقة . كوعمي بوشتى بدا اينفط حوايجو عليها .
عمي بوشتى: شني ادلقي ابنت ليهودي لاخور فزgتني وانا لامز بالبرد .
الصافيا : الا ابابا .هادشي راه قالتو لي الشريفة دي فداك المجموعة قالك قالالم حد السيد خدام فالبونبية سميتو خالد
عمي بوشتى : شني قالم هاد السيد ؟
الصافيا : شرحلم انواع الحروق . والاسعافات الاولية زعما كفاش يعملو مناين يتحرقو . خليني نلقيلك حالبومادا دالحراق راها خلاتالي خالتي راك ما ممضرورشاي ونقرالك شني سفطلم السيد:
عمي بوشتى: الله يرضيةعليك ابنيتي اوا جيب غا داك البوماضا الصفرا ياك حنا انلقيوها لكلشي.
الصافيا : الا ابابا هادي بوماضا دالحراق دقة بطلة.
عملتلو البومادا كوبدات الصافيا ادقرا لباباها:

انواع الحروق و الاسعافات الضرورية

الحروق هو تعرض انسجة الجسم لضرر او تلف وذلك بسبب اكتواء بالنار, مواد كيميائية او كهربائية او مواد ساخنة وقد تزداد خطورة هذه الحروق خاصة كلما زاد العمق و كلما كبرت المساحة و حسب مكان الحرق.
قد تهدد الحروق حياة المصاب نظرا لتأثيرها على الوظائف الحيوية (التنفس النبض و الوعي).
و تنقسم درجة خطورة الحروق الى ثلاث درجات كلها تستدعي تقديم الإسعاف.
فكيف نتصرف في هذه الحالة؟
عمي بوشتى : واخا هاد الشي مزيان ولايني خليني نعمل حالشدق فكرشي وعاد كملي .

الله ينجينا وينجيكم.

توقيع محمد البورقادي وخالد عز الدين الأوربي

تصنيف : الثقافة التسولية,طرائف عمي بوشتة