بوجمعة : روندة
فوزي : الرواند فالجوج
عياد : فالثلاثة
بوشتى : ترينكة هنا والواحد داللاص وزيد عليها الميسة والرواند بثلاثة هيا جوج حبال و حبل د القاعة هاهو ماجي ا عزيزي بوجمعة
عياد : هاك ها التريس مسوgر
بوجمعة : والله يا مشينا فيها أنسيبي غي وجد ودنيك للتعلاق
فوزي : علاش ها هو باقي عندي الري والكابال
بوجمعة : فين بقالك شي ري مع هاد العولاما دالكارطة أ السي فوزي
بوشتى : ايوا داك الري علاش انضور حتى يانا . ارا لاون ها بونت وحبل دالقاعة وداك الكابال خليه فيدك ايزعرط ههههههه والله يا غي نوضو تgعدو أ فاسا وجبد احنيني داك القابسة دالسيgار . ها ربعة دالحمير ضبرو غي فاين مشي دبيتوهم هاد الليلة
حمو : هاك أ با علق لعمي بوجمعة التقاشر الحومر ددادا حدهوم
حدهوم : يعلقوك من العرقوب دكرعك ينشاع الله هدا ما بانلك غي التقاشر ديالي يلقيهم الراجل براني على ودناه
حادة : سكت يا هاد حgة كا ما ادحشمشاي . اويلي وشني ولدت يانا
السعدية : ايوا بعدا علقولم داك القديدات اللي ناشرا حادة فالمراح
بوشتى : حشومة علينا هادو ضياف عزازين ما نعلقولمشاي ولايني يعطيني القابسة دالسيكار علاش تفاهمنا
بوجمعة : جاتك اسيدي هاك . جاب الله جايب معايا الزايد
عياد : ايوا ويانا شني نعبي ؟
فوزي : هاك هاد النضاضر ديالي خودهوم راهوم ديال الرايبن
عياد : انا ما انعرف لا رايبن ولا رايخن انعرف غي النادر دالتبن و الطعام باللبن
فوزي : هههههه هاك ديرهوم على عينيك نشوف كي غادي يجيواك
عياد تماطا النضاضر ولقاهم على عيناه
أشرف : وااااو على التفركيس اعمي عياد . جاو معاك النضاضر جيتي واعر
بوشتى : هو فالحقيقة جاو معاه ، ولايني مشي يمشيو معايا .
بوشتى عبالو النضاضر ولقاهم على عيناه
عياد : شني ادلقي أبوشتى ياك عطاهم ليلي موشاي ليلك
بوشتى : شني مشي دحلق نتينا بالنضاضر كا جيتلي من الطاليان . وزايدون ياك باقي انسالك ربعطاش لميا فالترفزة دي بيعتلك
عياد : إيوا نتقاطعو فيها وما دسالني ما نسالك
بوشتى : ايوا هايتاك . دابا هادو مشي نحتاجم يانا النهار يعيطلي القايد ونهود لعندو يسقبلني
وئام : جيتي واعر أعمي بوشتى والله . جيتي بحال وائل جسار . خليك هاكاك غادي ندير معاك سيلفي ونديرها فالسطاتي ديالي
بوشتى : الستاتي ؟ كان عمك بوشتى أيتصنت للستاتي أ بنتي أما دابا كبرنا وشرفنا وما بقى عندنا خاطر
الصافية : ألا أ با قالتلك زعما بغات دتصور معاك ودلقيها فالفيسبوك ديالا
عياد : دتصور معاه غي هو زعما حنايا جينا من ساليgان
وئام : معاكوم بجوج أ عمي عياد
أشرف : تصوري معاهوم بجوج يتحرقليك لافيشور أ الصgعة ردي بالك
الصافية : ما تخافيش راه غي ايتملغ معاك وزايدون واخا يضيعلك لافيشور نعيطو لعبدو بن علي يصغبولك راه معلم لاصيان
حادة : شكون هاد عبدو بن علي عاوث وفاين ادعرفو أ مو شبشوب ؟
الصافية : عبدو بن علي هو دي غداكوم الكفتة فاولاد عياد نهار مشيتو لفاس كا ما ادعقلشاي أ يما
بوشتى : اودي الله يرضي عليك أ الصافية وخلاص . أنا بعدا هاد الصافية تبارك الله عليها أدفهم فكلشي وقافزة بحال باها ما عندي ما يسالها
السعدية : ايوا الله يبيض سعدا ويسهل عليها فشي ولد الناس اللي يستاهلا
حادة : لياه موشاي كل نهار ايدكرو اللسم ديالا فالترفزة
عياد : كيف لاقي هاد ايدكرو اللسم ديالا فالترفزة كا طحاتلك منار
حادة : ولياه انا كدبت ؟ كا ما ادسمعمشاي فحارة الطقس مناين ايقولو سماء صافية الى قليلة الهيجان
بوشتى : بشااااخ يا مالي بشااااخ ، كا حتى نتينا طحيت ادفهم فالطقس ، قلك سماء صافية اوييييلي اويلي وعلى الفقايص
حدهوم : انقولالا ديما . انقلا الحاجة ديما دعرفلاشاي بعد منا و عطيها التيساع
الحاجة منانة : علاه مالا ما تعرفش . تبارك الله عليها حتى هي كتفهم
بوشتى : هي ادفهم فخرينgو والمفروق والبيصار
بوجمعة : والله ايلا شهيتونا فشي طبسيل ديال البغرير و ديال الملاوي مع شي بريريد ديال أتاي بالنعناع
حادة : ايييه اسي بوجمعة هي اللولة
ناضت حادة وجرت معاها الصافية ومشات دوجدلم شواي دخرينgو والمفروق باش يتعوفو وتبعاتم السعدية وخلاوهم فالدكانة متهاودين
فوزي : قلي أسي بوشتى ، عندك شي شوية دالبلاد ؟
بوشتى : ايوا شي مطاير واها
فوزي : ومحفظين بعدا ؟
بوشتى : اودي داك النهار جيبت البوطوغراف زعما باش نحفظا ساعة حسب عليا بزاف وشفت الشغل مشي ينقام عليا بكثر من التمان ديالا ايلا جيت نبيعا ويانا نسمح فداك البلانات وما مشيتشاي موراهم
فوزي : ماشي مشكيل ، أنا غادي نتكلف بهاد الشي ديال المحافظة ونخلص المهندس و انت نوض دابا وريني البلاد كاملة ندورو عليها ومن بعد نكلسو ونفكرو شنو غادي نديرو فالمشروع اللي هضرتليك عليه ففاس
هي هاديك عمي بوشتى والحاج فوزي و بوجمعة وعياد ناضو وبداو يتساراو فالبلا ديالو وهو لاقي يداه موراه وقابط داك المعكاف دالعرعار دي عطاه بوجمعة ففاس ومرة مرة اينعتلم بيه فاين تسالات الحدادة دالبلاد
بوجمعة : تبارك الله خيربي زيتون عندك أ بوشتى ، ووالد الخيرات تبارك الله
بوشتى : الخير موجود هاد العام الشجر كلو ايرواط
فوزي : وفين كتطحنو الزيتون ؟ باقيين كتستعملو الرحى التقليدية ؟
بوشتى : أودي ما بقاشاي داك الشغل كيما طاري هادي شحال . من نهار طاح حاد الحيبور فالنقير فحاد الموطع ايقولولو الدياب من تما سبحا الله الناس ما بقاتشاي ادخدم الرحى التقليدية طحاو دابا غي المعصرات هما دي خدامين
عياد : انا بعدا داك الزيت دالمعصرة والله ما ادبغي دنgاطلي . ما انبرد جنوني فالزيت حتى انمشي لعند نسابي فالرباع
فوزي : شوف أسي بوشتى ، هاد القطعة هادي فيها غادي نحفرو جوج بيار و نطلعو الما بالبومبا وغادي نغرسو هنا اللوز والزيتون والكركاع والكرموس والمشماش وغادي ندوروها بالسور ونديرو العساس وغادي نسقيو بالgوتاgوت ونخدمو معانا الشباب ولاد البلاد والقطعة الاخرى غادي نديرو فيها خمسة الكوريات ديال الدجاج والقطعة الثالثة فين كاينة الدار غادي نديرو كوري كبير ديال العجول و غادي يكون مشروع ناجح ان شاء الله .
بوشتى : اسيدي الله يسخر . فاي كث غابر اصاحبي من هادي شحال . كاراني طحيت خواجة
عياد : حتى يانا نشرك معاكوم بالمطيرة ديالي
فوزي : ان شاء الله حتى هي نديرو فيها مشروع ديال القناني
دادا حادة وجدات خرينgو والمفروق و صردت حمو موراهم باش يجيو يتعوفو ، هي هاديك هوما رجعو للدكانة وكلسو وعبسلام خلط
بوشتى : افاين قيال غابر اهاد المهيبط
عبسلام : قيال غي فالحد ، وتلاقيت مع داك صاحبي الفاكانصي وراه عوال فهاد ليامات يجي يخطب الصافية ، وحتى يانا راني لقيت مع العزيز دحميدة باش هاد الليلة دمشيو معايا عندم للدار باش دخطبولي يامنة ختو
بوشتى : وهاد الضياف كيف مشي نلقيولم
بوجمعة : أسيدي نمشيو معاكوم بحرا نتعرفو على نسابكوم الجدادين .
بوشتى : ولاش مشي دمشي معانا انتينا ؟ كا العريس ايمشي يخطب بيداه ؟
السعدية : كان هاد الشي شحال هادي ابوشتى اما دابا العريس ولى يمشي يخطب بيدو باش يتعرفو عليه حباب العروسة
بوشتى : ايوا أسبدي ناكلو بعدا حاد الشدق فكرشنا ويصغب الله .
نخليوهم ايتعوفو ويوجدو راسم باش يمشيو يخطبو لعبسلام وإلى اللقاء في الجزء المقبل إن شاء الله
دامت لكم البسمة
فوزي : الرواند فالجوج
عياد : فالثلاثة
بوشتى : ترينكة هنا والواحد داللاص وزيد عليها الميسة والرواند بثلاثة هيا جوج حبال و حبل د القاعة هاهو ماجي ا عزيزي بوجمعة
عياد : هاك ها التريس مسوgر
بوجمعة : والله يا مشينا فيها أنسيبي غي وجد ودنيك للتعلاق
فوزي : علاش ها هو باقي عندي الري والكابال
بوجمعة : فين بقالك شي ري مع هاد العولاما دالكارطة أ السي فوزي
بوشتى : ايوا داك الري علاش انضور حتى يانا . ارا لاون ها بونت وحبل دالقاعة وداك الكابال خليه فيدك ايزعرط ههههههه والله يا غي نوضو تgعدو أ فاسا وجبد احنيني داك القابسة دالسيgار . ها ربعة دالحمير ضبرو غي فاين مشي دبيتوهم هاد الليلة
حمو : هاك أ با علق لعمي بوجمعة التقاشر الحومر ددادا حدهوم
حدهوم : يعلقوك من العرقوب دكرعك ينشاع الله هدا ما بانلك غي التقاشر ديالي يلقيهم الراجل براني على ودناه
حادة : سكت يا هاد حgة كا ما ادحشمشاي . اويلي وشني ولدت يانا
السعدية : ايوا بعدا علقولم داك القديدات اللي ناشرا حادة فالمراح
بوشتى : حشومة علينا هادو ضياف عزازين ما نعلقولمشاي ولايني يعطيني القابسة دالسيكار علاش تفاهمنا
بوجمعة : جاتك اسيدي هاك . جاب الله جايب معايا الزايد
عياد : ايوا ويانا شني نعبي ؟
فوزي : هاك هاد النضاضر ديالي خودهوم راهوم ديال الرايبن
عياد : انا ما انعرف لا رايبن ولا رايخن انعرف غي النادر دالتبن و الطعام باللبن
فوزي : هههههه هاك ديرهوم على عينيك نشوف كي غادي يجيواك
عياد تماطا النضاضر ولقاهم على عيناه
أشرف : وااااو على التفركيس اعمي عياد . جاو معاك النضاضر جيتي واعر
بوشتى : هو فالحقيقة جاو معاه ، ولايني مشي يمشيو معايا .
بوشتى عبالو النضاضر ولقاهم على عيناه
عياد : شني ادلقي أبوشتى ياك عطاهم ليلي موشاي ليلك
بوشتى : شني مشي دحلق نتينا بالنضاضر كا جيتلي من الطاليان . وزايدون ياك باقي انسالك ربعطاش لميا فالترفزة دي بيعتلك
عياد : إيوا نتقاطعو فيها وما دسالني ما نسالك
بوشتى : ايوا هايتاك . دابا هادو مشي نحتاجم يانا النهار يعيطلي القايد ونهود لعندو يسقبلني
وئام : جيتي واعر أعمي بوشتى والله . جيتي بحال وائل جسار . خليك هاكاك غادي ندير معاك سيلفي ونديرها فالسطاتي ديالي
بوشتى : الستاتي ؟ كان عمك بوشتى أيتصنت للستاتي أ بنتي أما دابا كبرنا وشرفنا وما بقى عندنا خاطر
الصافية : ألا أ با قالتلك زعما بغات دتصور معاك ودلقيها فالفيسبوك ديالا
عياد : دتصور معاه غي هو زعما حنايا جينا من ساليgان
وئام : معاكوم بجوج أ عمي عياد
أشرف : تصوري معاهوم بجوج يتحرقليك لافيشور أ الصgعة ردي بالك
الصافية : ما تخافيش راه غي ايتملغ معاك وزايدون واخا يضيعلك لافيشور نعيطو لعبدو بن علي يصغبولك راه معلم لاصيان
حادة : شكون هاد عبدو بن علي عاوث وفاين ادعرفو أ مو شبشوب ؟
الصافية : عبدو بن علي هو دي غداكوم الكفتة فاولاد عياد نهار مشيتو لفاس كا ما ادعقلشاي أ يما
بوشتى : اودي الله يرضي عليك أ الصافية وخلاص . أنا بعدا هاد الصافية تبارك الله عليها أدفهم فكلشي وقافزة بحال باها ما عندي ما يسالها
السعدية : ايوا الله يبيض سعدا ويسهل عليها فشي ولد الناس اللي يستاهلا
حادة : لياه موشاي كل نهار ايدكرو اللسم ديالا فالترفزة
عياد : كيف لاقي هاد ايدكرو اللسم ديالا فالترفزة كا طحاتلك منار
حادة : ولياه انا كدبت ؟ كا ما ادسمعمشاي فحارة الطقس مناين ايقولو سماء صافية الى قليلة الهيجان
بوشتى : بشااااخ يا مالي بشااااخ ، كا حتى نتينا طحيت ادفهم فالطقس ، قلك سماء صافية اوييييلي اويلي وعلى الفقايص
حدهوم : انقولالا ديما . انقلا الحاجة ديما دعرفلاشاي بعد منا و عطيها التيساع
الحاجة منانة : علاه مالا ما تعرفش . تبارك الله عليها حتى هي كتفهم
بوشتى : هي ادفهم فخرينgو والمفروق والبيصار
بوجمعة : والله ايلا شهيتونا فشي طبسيل ديال البغرير و ديال الملاوي مع شي بريريد ديال أتاي بالنعناع
حادة : ايييه اسي بوجمعة هي اللولة
ناضت حادة وجرت معاها الصافية ومشات دوجدلم شواي دخرينgو والمفروق باش يتعوفو وتبعاتم السعدية وخلاوهم فالدكانة متهاودين
فوزي : قلي أسي بوشتى ، عندك شي شوية دالبلاد ؟
بوشتى : ايوا شي مطاير واها
فوزي : ومحفظين بعدا ؟
بوشتى : اودي داك النهار جيبت البوطوغراف زعما باش نحفظا ساعة حسب عليا بزاف وشفت الشغل مشي ينقام عليا بكثر من التمان ديالا ايلا جيت نبيعا ويانا نسمح فداك البلانات وما مشيتشاي موراهم
فوزي : ماشي مشكيل ، أنا غادي نتكلف بهاد الشي ديال المحافظة ونخلص المهندس و انت نوض دابا وريني البلاد كاملة ندورو عليها ومن بعد نكلسو ونفكرو شنو غادي نديرو فالمشروع اللي هضرتليك عليه ففاس
هي هاديك عمي بوشتى والحاج فوزي و بوجمعة وعياد ناضو وبداو يتساراو فالبلا ديالو وهو لاقي يداه موراه وقابط داك المعكاف دالعرعار دي عطاه بوجمعة ففاس ومرة مرة اينعتلم بيه فاين تسالات الحدادة دالبلاد
بوجمعة : تبارك الله خيربي زيتون عندك أ بوشتى ، ووالد الخيرات تبارك الله
بوشتى : الخير موجود هاد العام الشجر كلو ايرواط
فوزي : وفين كتطحنو الزيتون ؟ باقيين كتستعملو الرحى التقليدية ؟
بوشتى : أودي ما بقاشاي داك الشغل كيما طاري هادي شحال . من نهار طاح حاد الحيبور فالنقير فحاد الموطع ايقولولو الدياب من تما سبحا الله الناس ما بقاتشاي ادخدم الرحى التقليدية طحاو دابا غي المعصرات هما دي خدامين
عياد : انا بعدا داك الزيت دالمعصرة والله ما ادبغي دنgاطلي . ما انبرد جنوني فالزيت حتى انمشي لعند نسابي فالرباع
فوزي : شوف أسي بوشتى ، هاد القطعة هادي فيها غادي نحفرو جوج بيار و نطلعو الما بالبومبا وغادي نغرسو هنا اللوز والزيتون والكركاع والكرموس والمشماش وغادي ندوروها بالسور ونديرو العساس وغادي نسقيو بالgوتاgوت ونخدمو معانا الشباب ولاد البلاد والقطعة الاخرى غادي نديرو فيها خمسة الكوريات ديال الدجاج والقطعة الثالثة فين كاينة الدار غادي نديرو كوري كبير ديال العجول و غادي يكون مشروع ناجح ان شاء الله .
بوشتى : اسيدي الله يسخر . فاي كث غابر اصاحبي من هادي شحال . كاراني طحيت خواجة
عياد : حتى يانا نشرك معاكوم بالمطيرة ديالي
فوزي : ان شاء الله حتى هي نديرو فيها مشروع ديال القناني
دادا حادة وجدات خرينgو والمفروق و صردت حمو موراهم باش يجيو يتعوفو ، هي هاديك هوما رجعو للدكانة وكلسو وعبسلام خلط
بوشتى : افاين قيال غابر اهاد المهيبط
عبسلام : قيال غي فالحد ، وتلاقيت مع داك صاحبي الفاكانصي وراه عوال فهاد ليامات يجي يخطب الصافية ، وحتى يانا راني لقيت مع العزيز دحميدة باش هاد الليلة دمشيو معايا عندم للدار باش دخطبولي يامنة ختو
بوشتى : وهاد الضياف كيف مشي نلقيولم
بوجمعة : أسيدي نمشيو معاكوم بحرا نتعرفو على نسابكوم الجدادين .
بوشتى : ولاش مشي دمشي معانا انتينا ؟ كا العريس ايمشي يخطب بيداه ؟
السعدية : كان هاد الشي شحال هادي ابوشتى اما دابا العريس ولى يمشي يخطب بيدو باش يتعرفو عليه حباب العروسة
بوشتى : ايوا أسبدي ناكلو بعدا حاد الشدق فكرشنا ويصغب الله .
نخليوهم ايتعوفو ويوجدو راسم باش يمشيو يخطبو لعبسلام وإلى اللقاء في الجزء المقبل إن شاء الله
دامت لكم البسمة
0 commentaires:
Enregistrer un commentaire