كيف شوفنا قبل حمو مشى يشول .مناين رجع سقساه عمي بوشتى كيف gوز داك الليامات.
عمي بوشتى
اوا قلي اوليدي كيف
gوزت ايامك مع داك الراجل دكنت عندو ؟
حمو : غا سكث ابابا ، داك الراجل قالك فقيه وحافظ ستين حزب وليني ايفضل الدنيا على الاخرة .
عمي بوشتى : بحالاش اوليدي؟
حمو : كنا انكونو فالفدان وماشيين مزيان فالخدمة وايوصل وقت الصلا ، انقولو الفقيه خليني نمشي نصلي ايقولي لاهناشي قلاك دمشي دصلي ، كالصلا ماشي دتازغ. وينوض فينا الروعة : لاهناشيو اليشاشرا... وما ايطلقنا حتى للعصر.
عمي بوشتى : عندو الحق هو ايخلصك على الحصاد ولا على الصلا .اوا وشني دخلاك رجعت قبل الناس دمشاو معاك ؟
حمو : ياودي وقعتلي حالواقعة : مناين وصلنا نزلت الموزيط ديالي فالدكانة ونسيتو وكيف عارف ماعندوش السرسارا الحوايج كانو خارجين منو جات حالهروية وجرت سروالي كلات فيه النص والقمجة رجعاتا بحا الgدوار .ومناين توسخت وبغيت نبدل حوايجي جابلي حالقشابة ديالو وقالي لبس هادي حتى نعطي حوايجك لموالين الدار يصبنوهم .بقيت انبانسي مع راسي ومجبرت قدامي حيلة .لبست القشابا وبقاو الفلاحة ايطحكو عليا .جيت كداك : يوسف يمثل دعاودانا بومعgاف .الراجل قد الساط وانا قد الفلوس ووو
عمي بوشتى بقا ايطحك على حمو وقالو: باينة بقيت مدرق مور شي حجرة حتى gبسو حوايجك .عارفك ما ادفكرش .
حمو : وشني ماشي نلقي ؟
عمي بوشتى : اوليدي الى بغيت دولي راجل خاصك ديما دكون على بال ودصبر ودعري على كتافك ودبين حنة يداك كيف ايقولو وكون سبع ماشي ضبع .لا دكونشي من الناس دما ايقدوشي يبعدو من الدار .الى مشيت غا للحد درجع ودقولنا توحشت يما .
لا يكونشي قلبك رهيف ويدك خفيف وفاك ايتسد بالسيف. كون راجل ونص ولد بوشتى د لحاج حمو
حمو : ابابا ها حنا انتعلمو شواي بشواي .
عمي بوشتى : هاد الشي كولو وخاصك دكون مصواب ولسانك حلو . وبحا دانقولو دكون موس ماضي من جوج دجيهات .
حمو حنا راسو وسكت .بقا عمي بوشتى ايقريه وهو ايسمع باش حتى واحد ما يgوزا عليه . والى قصة حموية وبوشتوية اخرى.
وعلى المودة نلتقي.
------------_--------------------_-------------------------
اوا قلي اوليدي كيف
gوزت ايامك مع داك الراجل دكنت عندو ؟
حمو : غا سكث ابابا ، داك الراجل قالك فقيه وحافظ ستين حزب وليني ايفضل الدنيا على الاخرة .
عمي بوشتى : بحالاش اوليدي؟
حمو : كنا انكونو فالفدان وماشيين مزيان فالخدمة وايوصل وقت الصلا ، انقولو الفقيه خليني نمشي نصلي ايقولي لاهناشي قلاك دمشي دصلي ، كالصلا ماشي دتازغ. وينوض فينا الروعة : لاهناشيو اليشاشرا... وما ايطلقنا حتى للعصر.
عمي بوشتى : عندو الحق هو ايخلصك على الحصاد ولا على الصلا .اوا وشني دخلاك رجعت قبل الناس دمشاو معاك ؟
حمو : ياودي وقعتلي حالواقعة : مناين وصلنا نزلت الموزيط ديالي فالدكانة ونسيتو وكيف عارف ماعندوش السرسارا الحوايج كانو خارجين منو جات حالهروية وجرت سروالي كلات فيه النص والقمجة رجعاتا بحا الgدوار .ومناين توسخت وبغيت نبدل حوايجي جابلي حالقشابة ديالو وقالي لبس هادي حتى نعطي حوايجك لموالين الدار يصبنوهم .بقيت انبانسي مع راسي ومجبرت قدامي حيلة .لبست القشابا وبقاو الفلاحة ايطحكو عليا .جيت كداك : يوسف يمثل دعاودانا بومعgاف .الراجل قد الساط وانا قد الفلوس ووو
عمي بوشتى بقا ايطحك على حمو وقالو: باينة بقيت مدرق مور شي حجرة حتى gبسو حوايجك .عارفك ما ادفكرش .
حمو : وشني ماشي نلقي ؟
عمي بوشتى : اوليدي الى بغيت دولي راجل خاصك ديما دكون على بال ودصبر ودعري على كتافك ودبين حنة يداك كيف ايقولو وكون سبع ماشي ضبع .لا دكونشي من الناس دما ايقدوشي يبعدو من الدار .الى مشيت غا للحد درجع ودقولنا توحشت يما .
لا يكونشي قلبك رهيف ويدك خفيف وفاك ايتسد بالسيف. كون راجل ونص ولد بوشتى د لحاج حمو
حمو : ابابا ها حنا انتعلمو شواي بشواي .
عمي بوشتى : هاد الشي كولو وخاصك دكون مصواب ولسانك حلو . وبحا دانقولو دكون موس ماضي من جوج دجيهات .
حمو حنا راسو وسكت .بقا عمي بوشتى ايقريه وهو ايسمع باش حتى واحد ما يgوزا عليه . والى قصة حموية وبوشتوية اخرى.
وعلى المودة نلتقي.
------------_--------------------_-------------------------
توقيع: محمد البورقادي
0 commentaires:
Enregistrer un commentaire