مسا الخير عليكم أليشاشرا .
هاد النهار جبتلكم شي خبار من قلب التول وبالضبط من دار عمي بوشتى.
هادي أسيادي يوميات الصافيا .
الصافيا مناين كانت ادتعلم الطياب .كانت دادة حادة صعيبة معاها وادقولا لمصلاحتك خاصك دتعلم .علماتا دعجن وهي عندا تسعسنين وكانت الى ما سمعتشي الكلام اداكل ودودي .
حد النهار عجنت المطلوع ودادة حادة واقفة عليها كيف عاصي ربو . ماشي هايثاك .علك العجين مزيان حتى كملت مسكينة وهي العروقات ادصبصب عليها وخا هي غي العطيمات .
خمر العجين قالتلا دادة حادة شوف االعوجة اجي طلعو .جات ووراتا كيفاش دلقي والصافيا راسا خفيف لقات داك الشي دقالتلا يماها طلعت العجين فشي طباسي بويط . اوا مناين جا وقت الطياب دالعجين دخلاتا دادة حادة للنوالة وقالتلا : اوا ها الكانون ، ها الوgيد ، ها الفراح اوا وريني حنة يداك .
خرجت دادة حادة وخلات الصافيا حايرة .بقات ادخمم مناين دبدا . لقات فراسا النفس وشعلت العافية فالكانون وخا هي ادسوط عليها والرماد ايطلعلا مع وجاها وشعرا حتى رجعت بحا القطة دالرماد . لقات الفراح فوق المناصب وخلاتو يحمى .
حمى الفراح رمات فيه العجين وقرصتا وعطاتا العوافي . طابت الخبزة من الجهة تحتانية وخاصا دقلبا .حاولت المرة اللولية والثانية وما قدتش كوبدات ادعيط على يماها .
يما ، أيما ، أيما ... والو ما كاينشي ديرد عليها تقاتلت مع الدخان والعافية وعملت المنديل على يداها وقلبت الخبزة . هي دارت دجبد شي وgيدات وهي دجبر دادة حادة موراها ادموت بالطحك . الصافيا جات خارجة زعما غطبانة وهي دقبطا دادة حادة من شكرادتا قالتلا : لاين ماشية المدعوية ومخلية هاد الخبز دخبزت . والله وما رجعت دكمل شغلك يا غلا وريتك شكون هم التوليات .
رجعت الصافية كملت الطياب دداك الخبزة وحرقاتا شواي من الجناب والباقية كملاتا دادة حادة .
جا عمي بوشتى من الخلا .عيط على التعويف جابلتو الصافيا الشلال ونزلت الطبلة والقهوة بالحليب والسمن والزيت والبيض البلدي وهو غايشوف .
اوا وجابت داك المطلوعة دطيبت .
عمي بوشتى سما الله وقطع الخبز وهو يجبرا ملمزة من الداخل. عيط على دادة حادة : افينك اطفلة ؟. افاينك اموجحالل ؟. افينك امو سربوب ؟
دادة حادة خرجت من النوالة كلا مرمدة ومكفسة .عمي بوشتى شاف فيها وقالا: أسيوانة راك فداك النوالة ومطيبانا هاد الخبز ملبزة كي الكرش دقرقارة .
دادة حادة : هادك اسيدي الشغل دالغزالة دبنتك . عطاتا العوافي وقلباتا خطرا وها انت ادشوف كي جات . الضيعة دالرزق دسيدي ربي وخلاص.
عمي بوشتى : اوا مناين بنتي دطيباتا انا ماشي ناكلا . هي تعلم وانا ناكل حتى دولي لالة البنات .
الصافيا درعت باباها حبتلو راسو وقالتلو : والله ابابا حتى نتعلم ونولي نطيب من داك الشي الرفيع .
وهذا هو سباب الحداgة دالصافيا .
اوا دبقاو على خير هاد الساعة،،،،
وقبلو عليا .
هاد النهار جبتلكم شي خبار من قلب التول وبالضبط من دار عمي بوشتى.
هادي أسيادي يوميات الصافيا .
الصافيا مناين كانت ادتعلم الطياب .كانت دادة حادة صعيبة معاها وادقولا لمصلاحتك خاصك دتعلم .علماتا دعجن وهي عندا تسعسنين وكانت الى ما سمعتشي الكلام اداكل ودودي .
حد النهار عجنت المطلوع ودادة حادة واقفة عليها كيف عاصي ربو . ماشي هايثاك .علك العجين مزيان حتى كملت مسكينة وهي العروقات ادصبصب عليها وخا هي غي العطيمات .
خمر العجين قالتلا دادة حادة شوف االعوجة اجي طلعو .جات ووراتا كيفاش دلقي والصافيا راسا خفيف لقات داك الشي دقالتلا يماها طلعت العجين فشي طباسي بويط . اوا مناين جا وقت الطياب دالعجين دخلاتا دادة حادة للنوالة وقالتلا : اوا ها الكانون ، ها الوgيد ، ها الفراح اوا وريني حنة يداك .
خرجت دادة حادة وخلات الصافيا حايرة .بقات ادخمم مناين دبدا . لقات فراسا النفس وشعلت العافية فالكانون وخا هي ادسوط عليها والرماد ايطلعلا مع وجاها وشعرا حتى رجعت بحا القطة دالرماد . لقات الفراح فوق المناصب وخلاتو يحمى .
حمى الفراح رمات فيه العجين وقرصتا وعطاتا العوافي . طابت الخبزة من الجهة تحتانية وخاصا دقلبا .حاولت المرة اللولية والثانية وما قدتش كوبدات ادعيط على يماها .
يما ، أيما ، أيما ... والو ما كاينشي ديرد عليها تقاتلت مع الدخان والعافية وعملت المنديل على يداها وقلبت الخبزة . هي دارت دجبد شي وgيدات وهي دجبر دادة حادة موراها ادموت بالطحك . الصافيا جات خارجة زعما غطبانة وهي دقبطا دادة حادة من شكرادتا قالتلا : لاين ماشية المدعوية ومخلية هاد الخبز دخبزت . والله وما رجعت دكمل شغلك يا غلا وريتك شكون هم التوليات .
رجعت الصافية كملت الطياب دداك الخبزة وحرقاتا شواي من الجناب والباقية كملاتا دادة حادة .
جا عمي بوشتى من الخلا .عيط على التعويف جابلتو الصافيا الشلال ونزلت الطبلة والقهوة بالحليب والسمن والزيت والبيض البلدي وهو غايشوف .
اوا وجابت داك المطلوعة دطيبت .
عمي بوشتى سما الله وقطع الخبز وهو يجبرا ملمزة من الداخل. عيط على دادة حادة : افينك اطفلة ؟. افاينك اموجحالل ؟. افينك امو سربوب ؟
دادة حادة خرجت من النوالة كلا مرمدة ومكفسة .عمي بوشتى شاف فيها وقالا: أسيوانة راك فداك النوالة ومطيبانا هاد الخبز ملبزة كي الكرش دقرقارة .
دادة حادة : هادك اسيدي الشغل دالغزالة دبنتك . عطاتا العوافي وقلباتا خطرا وها انت ادشوف كي جات . الضيعة دالرزق دسيدي ربي وخلاص.
عمي بوشتى : اوا مناين بنتي دطيباتا انا ماشي ناكلا . هي تعلم وانا ناكل حتى دولي لالة البنات .
الصافيا درعت باباها حبتلو راسو وقالتلو : والله ابابا حتى نتعلم ونولي نطيب من داك الشي الرفيع .
وهذا هو سباب الحداgة دالصافيا .
اوا دبقاو على خير هاد الساعة،،،،
وقبلو عليا .
توقيع: فوزية المعلم
0 commentaires:
Enregistrer un commentaire