التسول والقديد

السلام عليكم ورحمة الله وبركاته.

السميقري او السميقلي شني هو الصحيح؟
المهم انا ماشي نقولكم السميقري والهيمري ما ايتلاقاو غي على شي gصعة دالطعام سخون من يد شي تولية حادgة . الى كان فيك السميقري والهيمري راه مرطك صعيب ودواه قريب ما عليك غي دربع حدا الgصعة ومادور لا ليهن لا لاون سير gود حتى دعمر كرشك وتشوف دوا السميقري والهيمري كيف لاقي . والى توهنت ورك رتاح وتغطى ددفى حتى للصباح .
الطعام اسيادي انواع وسبق لخاي انوار شرحم وأبدع. ولكن ماشي نذكركم لانه كاين دي عاد التحق بهاد المجمع. كاين الطعام الرقيق والغليط .
الطعام الرقيق بالحليب او باللحم والبصلة والزبيب ، وبالخضرة ايعجب كل حبيب . ولكن فالسميقري ما يصلح غي بالقديد . ايجي مالح ولذيذ . وكاين بشلالو وانا متيقنة راه كاين دي مقشع والو .
الطعام الغليط هو بركوكس او بركوكش بالحليب اممممم بنة وطعم اما بالمرقة دقتو دقة.

وعلى المودة نلتقي.

توقيع: رقية البورقادي

تصنيف : المطبخ