عمي بوشتى والدروج.
عمي بوشتى جا لسلا ضيف هو دادة حادة عند شي واحد من فاميلثو هذ السيمانة، مالين الدار ناضو مشاو للخدمة وبقاو غي هو ودادة حادة فالدار، ومع هو أيكمي كيف راكم عارفين ما بغاشاي يخلي الريحة دالدخان فالدار دالناس، بغا يطلع للسطح باش يكمي فخاطرو ومنا يشوف المدينة. وكيف دعرفو الناس دالمدينة رجلاهم صغيورين وعندم شي صنادل الكبيرة فيهم نمرة 38، السيد حشا حد القرقابة فرجلو يا الله خبعثلو بنانو وطلع أيعفط فالدروج، الحاصول عمي بوشتى كما داك الحرام وبغا يهود يفطر مع مولاث الدار، يا الله نزل رجلو على الدرجة الفوقانية ودسحث به الصندالة يا لحبايب ويجي على gعبوبو ملتوخ وهود مسرسب شي 10 درجاث درجة أطلقو ودرجة أدشدو حتى وصل لتحت وجا موعر، والطيحة ديالو تسمعث من برا، خرجث دادة حادة أدسبg.
دادة حادة: أربي السلامة، ياك لاباس أبوشتى؟
عمي بوشتى: شوف نتي غي بعد مني أموجحلال، ما دقربني ما دشد فيا.
دادة حادة: أويلي ومالك معكس يا هذ الراجل؟ خليني نوضك ونشوفو كاما تهرسشاي فيك شي عطم.
عمي بوشتى: غيب كمارثك من علي أهذ مو سربوب، مزيان تبارك الله، واقيلا باغياني نتهرس ونبقى طحكة عندك هنا، والله لا كانث لك.
قال هذ الهدرة وتم نايض أيزحول وشاد فالحيط دقول سكران، أيمد رجل ويتبعا بالرجل الثانية بحال داك اللقطاث دالتصوير البطيء، ودادة حادة gلسث فوس الدار وبقاث أطحك ودحك رجلاها مع الأرض بالطحك، والراجل منزل يداه على خراربو وأيقنتل ويوكتث.
عمي بوشتى: أيما لحبيبة ما عرفت على من صبحت هذ الصباح؟ كنت ماشي نتهرس من محgريش ونبقى مرزم هنا، يتشفاو في العديان.
دادة حادة: إيوا حتى نتينا ما بغيث دبعد من هذ المصيبة دالgارو، ماشي دبقى لاصق فيه حتى يجيبلك التمام.
عمي بوشتى: نتينا غي دور دور ورجع للgارو، لياه الgارو هو دي طيحني؟ هذ الحيول دالناس دالمدينة شاريين هذ الصنيدلاث دالدراري صغيورين، ونتكلو من التحت بحال دزاطم على شي صابونة الله يحفظ.
دادة حادة: وشوف هذ الكفرة بالله دالجيران كاجا منم شي واحد يهزك معي، أو يسقسي شني وقع، والو والله ودموث هنا شي واحد لا جاب لك الخبر، كا كنا فالدوار كا راه عياد جا أيسبg هو وحدهوم.
عمي بوشتى: ما صبت ما دجبد غي حدهوم فاك لحساثو كلبة، عندك أمو سرابط مناين نرجعو دقولم راه بوشتى طاح فالدروج، ماشي يطحكو علي، ودصيب داك مو نيبور دحدهوم ماجة عندي عاوث طرطقلي المرارة بداك الهدرة الخطرة ديالا.
دادة حادة: أربي السلامة، ياك لاباس أبوشتى؟
عمي بوشتى: شوف نتي غي بعد مني أموجحلال، ما دقربني ما دشد فيا.
دادة حادة: أويلي ومالك معكس يا هذ الراجل؟ خليني نوضك ونشوفو كاما تهرسشاي فيك شي عطم.
عمي بوشتى: غيب كمارثك من علي أهذ مو سربوب، مزيان تبارك الله، واقيلا باغياني نتهرس ونبقى طحكة عندك هنا، والله لا كانث لك.
قال هذ الهدرة وتم نايض أيزحول وشاد فالحيط دقول سكران، أيمد رجل ويتبعا بالرجل الثانية بحال داك اللقطاث دالتصوير البطيء، ودادة حادة gلسث فوس الدار وبقاث أطحك ودحك رجلاها مع الأرض بالطحك، والراجل منزل يداه على خراربو وأيقنتل ويوكتث.
عمي بوشتى: أيما لحبيبة ما عرفت على من صبحت هذ الصباح؟ كنت ماشي نتهرس من محgريش ونبقى مرزم هنا، يتشفاو في العديان.
دادة حادة: إيوا حتى نتينا ما بغيث دبعد من هذ المصيبة دالgارو، ماشي دبقى لاصق فيه حتى يجيبلك التمام.
عمي بوشتى: نتينا غي دور دور ورجع للgارو، لياه الgارو هو دي طيحني؟ هذ الحيول دالناس دالمدينة شاريين هذ الصنيدلاث دالدراري صغيورين، ونتكلو من التحت بحال دزاطم على شي صابونة الله يحفظ.
دادة حادة: وشوف هذ الكفرة بالله دالجيران كاجا منم شي واحد يهزك معي، أو يسقسي شني وقع، والو والله ودموث هنا شي واحد لا جاب لك الخبر، كا كنا فالدوار كا راه عياد جا أيسبg هو وحدهوم.
عمي بوشتى: ما صبت ما دجبد غي حدهوم فاك لحساثو كلبة، عندك أمو سرابط مناين نرجعو دقولم راه بوشتى طاح فالدروج، ماشي يطحكو علي، ودصيب داك مو نيبور دحدهوم ماجة عندي عاوث طرطقلي المرارة بداك الهدرة الخطرة ديالا.
ـــــــــــــــــــــــــــــــــ
المهم ألخوث دابا هذي شي عام وحنا أنهدرو على عمي بوشتى وتا واحد فيكم ما سقساني على الكنية ديالو، المهم بلا ما دصدعو راسكم راه كنيثو البورقادي حتى هو.
المهم ألخوث دابا هذي شي عام وحنا أنهدرو على عمي بوشتى وتا واحد فيكم ما سقساني على الكنية ديالو، المهم بلا ما دصدعو راسكم راه كنيثو البورقادي حتى هو.
متمنايتنا بالشفاء العاجل لسيدي محمد البورقادي ودعواتنا له بدوام الصحة وعاجل العافية.
وعلى المودة نلتقي.
طبتم وطابت أوقاتكم بكل خير.
طبتم وطابت أوقاتكم بكل خير.
1 commentaires:
طيحة وشمن طيحة ربي لطف الحمد الله
Enregistrer un commentaire