الرباعة - الغنايا

السلام عليكم مجمع الكرام والصلاة والسلام على خير الانام. بغيت نهدرلكم على جانب من ثراثنا اللي كينشطنا صغيرنا وكبيرنا الا وهو الرباعة او ( الغنايا) . اوا يا سيادي هذا واحد السيد عامل العرس لولدو وفرحان به وما خلا على من ما عرض . تجمعت الناس: شي من الرباط شي من تازة وحتى من فاس. حبابو وجيرانو ومعارفو وعطاهم النعت باش ما يتلفو . جاب الرباعة وبدا الهيت فالgاعة . اش منك يا نظم اشمنك يا غنا . الغناي ايغني وعينو للسراجم كما يصيب على من يهجم. وصاحبو ايرد عليه بالبندير والمقص والتعريجة وارالك لفراجة . السيد مول الدار محاوز النسا ميرgبوشاي والغناي شافو وقال منفلتوشاي .وهو يقولو 
يا ودي يا فلان ( لا داعي لذكر الاسم) را حنا كل واحد فينا عندو فنا غا فينا هاد البلية دالغنا.
وهو مول الدار قال معا راسو والله حتى نرخف على هاد النسا يتفرجو .اوا اللي عندو شي زريعة يتحفنا بها . دمتم سالمين.

تصنيف : تراث قبيلة التسول