تعويم الدرهم عند عمي بوشتة

السلام عليكم يا حبابي وصحابي بغيت نعاودلكم شي حاجة من كتابي هدا يا خوتي عمي بوشتى فالدكانة مغط وعلى لخبار يتصنت.

لمديعة د راديون: تقرير تعويم الدرهم في المغرب وذالك راجع لعدة اسباب معنا المحلل الاقتصادي............ً.............

عمي بوشتى مفهم والو ومبقا عاقل غير على تعويم وبقا ايخمم كما يفهم شي حاجة حد شواي وهو يعيط على الصافية 

افاينك ا صافية وا الصافية حد شواي وصافية ماجيا بالسبg 

الصافية : نعام ابابا مالك كعطاتك شي عقرب ) بن علي هو مول لعقارب Abdo Ben Ali)

عمي بوشتى: الله يعملا دلدغك المدعوية لوخرة فاينهو داك لمدعوي دخاك فاين ايمشي داك لمسخوط د حمو

الصافية: مشى ابابا يسقي من العين 

عمي بوشتى بقا ايشاشي بداك لمعgاف ليهن لاون ويضرب بيه لرض وحد شواي وحمو رgب من جدا السيخة ماجي ناده لحمارة وهو موراها ايتزحول

عمي بوشتى: مصبرشاي عليه جتى يوصل وناض ايجر فجحالو: اجي المدعوي ابليهودي لاخور انا انقول لاش ادمشي للواد وادعوم. وخا لبرد ونفنافي قولي نتينا صبت مرادك)بتسكين لميم وترقيق راء(

انا يحسابلي ادمشي دعوم ونتبنا ادمشي دجمع فدراهم لعايمين.

يا الله قولي فاين ادحوطم

حمو: ابابا علاش راك ادهضر؟ يانا مفهمتشاي شني ادقول.

عمي بوشتى: والله عليا لا طحكت يانا طحكت على شحال من واحيد وبجب لعرة د حمو يطحك عليا ياك راديون مبكدبشاي

حمو:ابابا يانا والله معرفتك علاش ادهدر وشني قالو فالراديون

عمي بوشتى: قالك فلمغرب( بضم لميم) ايعومو الدرهم

حمو ما فهم والو وبقا ايبحصص وايعاين عمي بوشتى يكمل.......... ...

عمي بوشتى: انا انقول لاش ادقيل فلواد ساعة نتينا على الدرهم هواد

حمو: عاين عاين ابابا يانا عاد فهمت سمعت ناس لبارح فلقهوى ادهدر على هد شي

الصافية: ابابا اجي لاون gلس بعدا ويانا نشرحلك نعويم د درهم راني سمعتم ايهدرو عليه فطرفزة قالك زعما مشي يبقى يطلع وينزل بحتل الاورو والدولار.

عمي بوشتى: كزعما مشي يلقيولو دروج باش يطلع ولا سحت فيهم كما البورقادي شني مشي يطرالو دابا يتشقف على جوج ومنصيبو منجبرو فيه اولا مشي يجبرونا داك الشريف لجبار د الركبة والله لا قد يجبرو ويانا مانعرف لا اورو لا دولار ؤانا انعرف دورو وكان ودابا ملي هاد الدرهم ايعوم مشي نعبي حمو معايا ونهود للرباط تما كاين لبحر كبير يبقا يغطس ويجبد فدرهم بلا منفرد الهم دابا دصيب البورقادي وداك ولد لزعر معمرين ديورم ومجمعبن ايقسمو فالدرهم وحنا عاد سقنا لخبار

اوا قبلو عليا وخلاص هادشي اللي قالي هاد الراس

تصنيف : طرائف تسولية